Horta Ejiji Governu Fasilitas Transporte ba Votantes
Radio, online - Prezidenti  da  Republika (PR),  Jose Ramos  Horta  ejiji ba  governu  atu  fasilita  nafatin  votantes  husi  Dili  ba  Distritu,  suku  no to’o  aldeia  para  bele  partisipa   iha festa  demokrasia  iha eleisaun  prezidensial  segunda  volta  ne’ebe  sei  hala’o  iha  16  Abril  2012.
Tanba  povu  ne’ebe  atu  ba  vota  tenke  halai  ba  to’o ninia suku maka vota, ne’e failansu bo’ot ida iha lei eleitoral, tanba ne’e PR  husu  Governu  fasilita  votantes ba to’o iha sira  ninia aldeia no suku.
“Ita  hare ke lideransa  politika maka hanoin  sala konaba  lei nee, entaun  tau  para  ajuda  ema joven  sira, kiak  bele  ba vota ”, hateten  Xefi  Estadu  Jose  Ramos  Horta  ba jornalista  sira  iha  ninia rezidensia  Metiaut, Dili  Seugnda (9/04).
Xefi  Estadu ne’e haktuir, esperiensia  iha  eleisaun  prezidensial  ba primeira  volta  mosu  konfuzaun  boot iha  transporte  tula votantes, tanba ne’e  iha  eleisaun  segunda  volta  ne’e husu  atu  Governu  tula  votantes  to’o  ba iha  sira  ninia aldeia  no suku,labele  ba  hatudu de’it iha Kapital Distritu nian.
“Lei  maka  sala,  hau la konkorda ke povu  tenke  ba  vota  iha  ida-idak  nia  fatin, ita  haree  iha  primeira  rounda  konfuzaun  boot  iha  transporte   i  la’os  hanesan  ba  fakar  ema  iha Manatutu  ka fakar  ema  iha  Covalima, tenke  liu  ba nia suku, ba nia aldeia”, hateten  PR Horta.
Xefi  Estadu  Jose  Ramos  Horta  kontinua  preokupa  no  lamenta  ba povu  ne’ebe rejistu  iha  Distritu  tenke  ba vota  iha fatin ne’ebe  rejistu  ba.
“Lei  ne’e  mak  sala  oituan  obriga ema  ba vota fatin ne’ebe  nia rejistu ,  neduni  ha’u  la  kompriende  Governu  inves  de atu resolve failansu  ne’ebe ke mai   husi projetu  Lei  Governu, projetu  Lei  mai Parlamentu nian devia  tau kamioneta  aluga  Angguna  para  tula  ema  ne’e la  to’o US 1 miliaun  de dolares  tan  karik,” dehan PR Horta.

No comments:

Post a Comment