PM Xanana Gusmão:“Ita La Ukun Hakarak Hatudu Liman Ba Ema Seluk”
Jornal Nacional Diário - Kuarta 15 Dezembru 2010
Dili-“FRETILIN kritika governu gasta osan estadu la fo benefisiu ba povu, Primeiru Ministru Xanana Gusmão hatan hasoru, la ukun hakarak hatudu liman ba ema seluk.
“Ne’ebe kuandu dala ruma ita dehan bo’ot la sala, ital abele dehan katak kuandu ita la ukun ita hatudu liman ba ema seluk, ne’e ladiak,”koalia Primeiru Ministru (PM) Xanana Gusmão, iha plenaria Parlamentu Nasional, Tersa 14/12) horseik wainhira hatan kona ba deputadu FRETILIN Arsenio Bano ne’ebe dehan ezekusaun orsamentu iha 2009 tuir pareser tribunal rekursu ne’ebe dehan katak governu la kumpri konstituisaun.
Akontesmentu ne’e akontese wainhira Governu liu husi Primeiru Ministru Xanana Gusmão ne’ebe aprejenta konta jeral du estadu 2009 respetativu diskusaun tuir artigu 180 do regimentu parlamentu Nasional.
Wainhira governu aprezenta kontra jeral do estadu, wainhira Parlamentu Nasional simu pareser husi Tribunal Rekursu ne’ebe dehan katak, konta jeral estadu 2009 iha ministeriu balun ne’ebe dehan katak inkonstituisional.
Tanba ne’e deputadu Arsenio Bano husi bancada FRETILIN, hatete Timor Leste ema barak dehan 8 anos nasaun ne’e foin mak atu konstrui lolos ne’e la presiza hatete Tribunal laos, mak halo governasaun, ne’e duni governu laos tribunal iha kompetensia propriu.
Nia dehan, tribunal iha kompetensia halo pareser ne’ebe diskute dadauk, maibe nia parte mos fiar katak, tribunal nia pareser hamosu duvida ne’e los duni.
“Ita boot nia relatoriu regras um dois tres ne’e labele halo revizaun, ne’e ita boot desagredita tribunal hatete tribunal la hatene orsamentu no sira laos ezekutivu, mais hau hare dadauk los hela, ita boot sira bosok.
Hatan ba kestaun hirak ne’e, Primeiru Ministru Xanana hatete iha Parlamentu Nasional dehan ba orgaun soberania ida, tanba nia parte mos husi orgaun soberania ida.
PM Xanana dehan, presivu ne’ebe ohin hatete katak iha wainhira iha governu nia laran nunka halo sala hanesan mos sai husi governu mos hela.
“Se ita desgresaun reseitas ida ne’e ita hare ba kotuk mos, ita boot hakarak hatene ami tama iha governu desde 2000 ba to’o 2007 hatene reseitas hirak husi fos, i oitu sentus mil iha Banku Nasional Ultramarinu (BNU), dehan PM Xanana.
Xanana hatutan katak, se fos iha governu anterior iha pratika ida desgresaun bele hatene, tamba nudar Ministru Solidariedade mos faan fos, ne’ebe mai husi China oferese diet mos ba ema balu, ne’ebe iha leten, ne’ebe mos kuandu ema FRETILIN la sosa ema la’os FRETILIN tenki sosa.
“Ita koalia hanesan, tamba hau rona husi ita bo’ot dehan hau bosok ten, ita boot labele monu iha hau nia dalan bosok,” tenik xanana.
Iha oportunidade ne’e, deputadu FRETILIN, Arseino Bano hateten, Governu ida uluk fa’an duni fos $9 ho saka ida i laos ho U$12, fa’an iha distritus no Sub distritus U$20, U$30.
Ministeriu Trabalho la fa’an fos ne’e Ministeriu Komersiu i Industria, mais fa’an ho U$9 laos ho U$12 no U$20, i se ita bot (refere Primeiru Ministru Xanana Gusmão) iha buat ruma lori ba tribunal aban kedas,”katak deputadu Arseino Bano.
Nia koalia, Ministeriu Trabalho labele fa’an fos, Ministeriu Ne’ebe uluk fa’an fos ne’e mos politika intervensaun merkado, ne’e mos faan ho U$9, agora ne’e bainhira mak atu hakotu politika fa’an fo’os ne’e ho folin U$20.jxn
No comments:
Post a Comment