FM IDENTIFIKA IRREGULARIDADE PROMOSAUN DEVISA PNTL

FM IDENTIFIKA IRREGULARIDADE PROMOSAUN DEVISA PNTL

Timor Post - Sesta 17 Dezembru 2010

Dili-“Fundasaun Maheim (FM) ne’ebe durante ne’e servisu hodi monitorija servisu iha instituisaun estadu hanesan seguransa no defeza, konsege identifika katak, mosu iregularidade liu liu iha prosesu pormosaun deviza ba PNTL foin lalais ne’e.

Liu husi kominikadu imprensa ne’be Timor Post asesu kinta (16/12) hateten iregularidade ne’ebe mosu hanesan ema ne’ebe promove ba deviza Sarjentu to’o inspektur Xefi so ema ne’ebe durante ne’e asumi kargu ruma tuir Rezime promosaun PNTL.

Maibe realidade hatudu oin seluk membrus ne’ebe la mensiona iha Regime Promosaun PNTL mos promove ba diviza Sarjentu.

FM konsidera mosu iregularidades barak iha prosesu promosaun tamba membru PNTL balun nia kazu sei pendente hela iha tribunal maibe hikus mai hetan promosaun.

FM hatene iregularidade hirak ne’e mosu tanba laiha koordenasaun ne’ebe diak entre komando Jeral PNTL no Sekretariu Estadu Seguransa (SES) tanba prosesu rekrutamentu no promosaun deviza ne’e involve direita husi komando Jeral PNTL, maske dekreitu lei kareira ne’e fo kompetensia tomak ba SES.

Relatoriu FM ne’e mos identifika katak dezde stabelesementu instituisaun PNTL to’o agora, problema seriu ne’ebe PNTL sempre infrenta mak mall administrasaun no problema jestaun em jeral hanesan instituisaun estadu. No mos kestaun komriensaun kona ba lei rezime de kareira iha instituisaun PNTL mos sei preokupasaun komisaun promosaun deviza no membru PNTL tomak, tanba ne’e presiza iha sosializasaun lei ne’ebe refere ba membru MNTL tomak iha TL.

Tan ne’e relasiona ho kondisaun hirak iha leten, FM hakarak rekomenda ba komisaun promosaun Diviza PNTL atu bele envolve entidades, sosiedades Sivil, igreza, grupu akademiku no intelektual sira hodi husu sira nia opiniaun sobre pormasaun ba PNTL iha futuru oin mai.

FM rekomenda mos ba komando Geral PNTL atu bele introduz lei kona ba rezime de kareira, mekanismu promosaun no kestaun tekniku seluk ba membrus sira para atu labele hamosu tan konfuzaun no lamentasaun ho mekanizmu promosaun diviza.

FM mos rekomenda ba komando Geral PNTL atu halo tuir mekanismu promosaun deviza, katak membru PNTL ne’ebe la elegivel tamba involve kazu krime, indisiplinar no no atus seluk tan, laiha razaun atu hetan formasaun to’o sira nia kazu resolve iha tribunal ou atraves de mekanizmu seluk.

FM mos rekomenda ba komando Geral PNTL no komisaun formosaun deviza PNTL atu tula responsablidades ba membru PNTL nia kabas bazeia ba esperensia, kapasidade de servisu, etika no displinadu, alos bbazeia ba relasaun emosional no relasaun familia.

Durante ne’e FM mos koalia klean kona ba rekrutamentu ba membru PNTL durante tinan sanulu nia laran, inklui mal administrasaun iha instituisaun PNTL.(*/mateus da cruz)