TimorNewsNetwork

Claudio: Tenki Halo Revizaun Ba Konstituisaun Hodi Limita Poder Horta

Written by Calisto da Costa no CJITL Internship Bobonaro

Wednesday, 30 June 2010

Claudio Ximenes, Prezidente Tribunal Rekursu, foto ist. CJITL Flash, Relasiona ho sistema judisiariu no mos pratika indultu iha Timor Leste ne'ebe tinan tinan, Prezidente Republika liu husi kompetensia konstituisuan fo lisensa hodi fo indultu ba prizoneirus, nune'e Terca feira horseik, Prezidente Tribunal Rekursu, Claudio Ximenes husu atu halo revizaun ba konstituisaun. Liu husi seminariu loron ida iha Hotel Timor (29/06) nebe organiza husi programa ba monitorizasaun ba sistema judicial ou JSMP ho tema Elaborasaun “Pratika Indultu” husi perspetiva politika ,judisiariu no husi perspetiva sosiedade sivil iha kontestu estadu de direitu”. Claudio de Jesus Ximenes iha seminariu ne’e dehan katak iha konstituisaun ne’e hakerek momos katak antes orgaun soberanu ida hanesan prezidenti da Republika atu fo indultu ba ema nebe hetan tiha ona kondenasaun ruma tenke iha kriteriu nebe fiksu tuir regras legais nebe iha. “Ho indultu prezidenti da Republika perdua ema ne'ebe hetan tiha ona kondenasaun no kastigo tiha ona maibe prezidenti mos rona governu no lista ema sira nebe prosesu julgamentu hotu kedas no hetan ona sentensa tinan hira ba nia kastigu” Claudio hateten. “Dala ikus mak tenki halo revizaun ba konstituisaun hodi limita poder prezidenti nia atu fo indultu” tenik Claudio. Iha fatin hanesan Ministra da justisa, Lucia Lobato haktuir katak Prezidenti da Republika iha kompetensia liu waihira atu fo indultu ou hamenus sentensa ba ema ne'ebe hetan kondenasaun tuir konstituisaun RDTL artigo 85 alinea 1. Nune'e iha parte sorin, Prezidente Komisaun A Parlamentu Nasional, Fernanda Borges husu atu kri lalais lei ida hodi limita kompetensia Prezidente nian ne'e.(Calisto and Rubina/C