TimorNewsNetwork

TL Nasaun Riku, Povu Kontinua Ki´ak

04 de Abril de 2012, 11:57

JPDA Map

Timor Leste (TL) nasaun ne´ebé iha riku soin barak, maibé povu nasaun ne’e kontinua ki´ak maske nasaun ne’e hetan nia independesia besik tinan sanulu. Kestaun ne’e fo sai husi Ministru Ekonomia Dezemvolvimentu (MED), João Gonsalves liu husi diskursu katak Timor Leste iha rikeza nó iha potensiál barak, maibé rai riku nó ema ne´ebé ki´ak ne’e mak situasaun atuál iha nasaun Timor Leste.

 “ Ha´u dehan Timor Leste rai ne´ebé potensiál boot, rai riku ho ema ki´ak, ita nia rikeza la´ós de´it minarai nó gás, ita iha rekusru sira seluk ita nia marmere, mageneium, osan mean, osan mutin maibé ita seidauk hahú prosesamentu ba minareis sira ne’e,” dehan Ministru Joao wanhira partisipa iha semanáriu ne´ebé hala´o husi Luta hakmutuk iha salaun Joao Paulo II Comoro, Tersa (3/4).

Nia hatutan kestaun ne´ebé mak iha Timor Leste agora, atu hamenus ki´ak liu husi prosesu ne´ebé Timor Leste presiza halibur sosiedade tomak liu husi planu nasionál estratejiku dezemvolvimentu ne´ebé Timor Leste iha ona.

Nune´e mós tuir reprezentante povu iha uma Fukun Parlamentu Nasionál, Manuel Tilman hatete, iha Parlamentu Nasionál kontra balansu ho ekonomia finansas, tan ne’e tau mós anti korupasaun, presiza iha nasaun foun Timor Leste.

Source: SAPO TL ho Suara Timor Lorosa´e