Sidadaun Timorense Detido Iha Darwin Lori Osan U$400,000,00


Radio, online – Membru Parlamentu Nasional Segunda, (10/10) deskusti maka’as konaba sidadaun Timorense ida ne’ebe oras ne’e dadaun hetan detido husi Autoridade  Australia  Alfandegas tanba iha checking ne’e hodi hetan osan U$400,000,00. (Kuatro Sentos Mill Dolares Amerikanu).
Timorenses ne’e hetan detido iha loron Kinta, (6/10), Aeroporto Australia Darwin. Timorense ne’e seidauk fo sai lolos feto ou mane. Maibe Timorenses ne’e hanesan funsionariu ida ne’ebe lori osan governu Timor Leste nian naran.
Deputado Bankada CNRT Paul Martins liu husi plenariu hateten, sidadaun Timorense ne’ebe hetan detido iha Aeroporto Darwin ne’e funsionario ida ne’ebe lori osan governu nian ho total orsamentu U$400,000,00 (Kuatro Sentus Mill Dolares).
Informasaun ne’e Deputadu sira asesu iha internet. Kazu ne’e relevante ho Timor oan nomos makina estadu nian, entaun membru PN foti kazu ne’e iha plenaria.
Deputado ne’e husu ba Governu, liu husi Ministeriu ka Direktores sira  se’e ema ne’e funsionariu karik  tenki foti desizaun kedas atu nune’e hodi supmete ba investigasaun.
Iha parte seluk Xefi Bankada PUN Fernanda Borges afirma, sidadaun timor oan ne’ebe kaer iha Darwin ne’e  servisu iha governu nia laran Ministeriu ka Director sira tenki presiza hatene lalais kona ba problema ne’e no esplika klaru ba publiku.
Liga ba kazu ne’e Borges husu ba PN mos tenki aselera urjenti aprova lalais lei kona ba fase osan.
“ita tenki kontrolo iha ita nia rai  rasik iha Banco Alfandegas atu nune’e iha relatorius konstantes ne’ebe tama iha insituisaun  ida naran instituisaun informasaun unidade foti infomasaun kona lori osan ba liur ka transfer osan ba liur  atu nune’e estado timor leste labele estado ida ne’ebe  nasaun ida la fiar,”nia kestiona.
Entertantu Deputado Bankada Fretilin Inacio Moreira mos hateteten, problema ida ne’ebe akontese iha Darwin ne’e hanesan  moe bo’ot, tamba ne’e tuir nia vida ne’e hanesan konsekuensia, involvimentu interese ba kanselamentu ba aprovasaun lei branquementu do kapital .
Deputado Fretilin ne’e husu ba governu Australia  atu fo sai naran labele taka no nonok no mos TL mos tenki  buka informasaun ne’e lolos, tamba tuir nia Ministro ida fulan ida salariu la to’o Quatro sentus mill .
Iha parte seluk Sosiedade Sivil,  Remigio Laka responsavel Farming Study Group (FSG) hateten, ho kazu osan bo’ot maka lori sae husi fungsionairu publiku ne’ebe detido husi governu Australia ne’e hanesan moe bo’ot ida ba governu. Tamba governu Xanana hakilar dehan laiha korupsaun maibe nasaun seluk mak deskobre governu AMP nia lalaok mesak naokten deit ne’e.
“Ita nia governu inkapasidade atu kontrolu nasaun ida ne’e, liliu ba fungsionairu sira,” nia lamenta.

No comments:

Post a Comment