TimorNewsNetwork

GOLKAR Sei Kapasita PD

Partidu GOLKAR (Golongan Karya) iha tempu badak sei fo treinamentu intensivu ba quadrus politikus partidu
Demokratiku (PD).

Iha momentu neba, GOLKAR sei fahe hanoin no esperiensia nomos konesimentu politiku partidu nian. Hafoin asina nota entendimentu (MoU)entre prezidente partidu politiku rua ne’e iha Hotel Timor, Dili kinta ne’e (08/09) atu hala’o akitividade treinamentu ne’e.

“Ba oin, ita sei serbisu hamutuk iha seitor ne’ebé klean liu, hanesan seitor sosial no ekonomia, nomos kapasitasaun
ba quadrus politikus sira,:dehan Bakrie. Enkuantu Prezidente Partidu Demokratiku (PD) Fernando La Sama de Araoju, ho sentimentu orgullu tamba ninia partidu bele serbisu hamutuk ho Partidu  GOLKAR. Nia hein katak, serbisu hamutuk iha kapasitasaun no avaliasaun politika ne’e bele ajuda hasa’e kapasidade kualidade quadrus politika PD nian.

“importante mak aspeitu quadrus politikus sira, avaliasaun materia no kontrusaun sistema organizasaun partidariu,” katak La Sama.”quadrus no avaliasaun materia politika ba membru partidu hanesan aspetu fundamental tamba sei hamosu lider ne’ebé forte ba nasaun no estadu.”

Tuir informasaun ne’ebé media ne’e sita hosi www.vivanews.com katak, Asina MoU ne’e hanesan prosesu kontinuasaun entre prezidente Partidu rua ne’e, ne’ebé hala’o tia ona iha sede Partidu GOLKAR  nian iha Jakarta iha loron 11 Jullu 2011 liu ba. Iha sorumutu neba,alein de koalia konaba kooperasaun entre partidu, PD mos husu atu GOLAKR sai mos hanesan observador ba eleisaun jeral 2012.

Tuir La Sama, Timor Leste, hanesan nasaun foun ne’ebé presija estuda barak hosi Indonesia ne’ebé Demokratiku tebes.(TE)

Source: www.timorexpose.com