Tribunal Australia ordena abertura ba dokumentu konaba invazaun Indonézia
28 Marsu 2011, 20:02
Paris, 28 mar (Lusa) - Supremo Tribunal Administrativu australianu desidi ohin atu loke dokumentu sekretu sira konaba invazaun indonézia ba Timor-Leste íha 1975.
Sentensa ne´é, ne´ebé autoridade australianu sira sei bele rekore fali ba Supremu Tribunal Federal, loke dalan ba divulgasuan liña 250 dokumentu sensuradu husi Organizasaun Jeral ba Informasaun (JIO), antesedente ba atual Diresaun Jeral Informasaun (DIO).
Desizaun konklui husi batalla judisial tinan haat nia laran entre servisu informasaun australianu no istoriador Clinton Fernandes, husi AKademia Forsa Defeza Australianu (ADF), espesialista ba istória kontemporánea Timor-Leste no polítika Austrália nian konaba antigu teritóriu portugés ne´é.
"Ha´u nia expetativa mak infromasaun sira ne´é bele revela sai agora dadaun, husi dokumentu klasifikadu 42, revela detallu konaba operasaun dezestabilizasaun Indonézia íha fronteira Timor-Leste, entre outubro no dezembru 1975, no konaba konduta tropa indonézia wainhira halo tiha invazaun", afirma Clinton Fernandes ohin, kontakta liu husi telefone ba Camberra husi Agência Lusa Paris nian.
"Dokumentu siora ne´é bele konfirma katak Governu australianu íha tempu nebaa hatene detallu hotu kedas konaba planu Indonézia íha Timor-Leste", istoriador ne´é akresenta tan.
"Governu australianu hatene buat barak ke akontese íha Timor-Leste maibe sira halo tuir liña propaganda Indonézia nian, íha liña funu entre Apodeti no Fretilin, no mos íha nível internasional hanesan ba konsumu internu", subliña Clinton Fernandes.
Source: http://noticias.sapo.tl
No comments:
Post a Comment