TimorNewsNetwork

Tara : Tinan 2012, Povu sei fo Justica ba Partidu Hotu

CJITL Flash, Iha tinan 2012 povu sei fo justisa ba partidu politiku ida-idak tanba dala barak deputadu sita kolia barak maibe nunka halo tuir povu nia hakarak.

“Ita hotu bele koalia barak no bele halo porgrama oin-oin maibe la tuir povu maubere nia hakarak mak 2012 povu maubere sei fo justica ba partidu hotu ne’ebe mak atu bele ukun tuir povu ai leba nia hakarak”dehan Agostu Araujo alias Tara, husi bankada Partidu Sosial Demokrata - PSD hafoin partisipa iha selebrasaun loron direitus Humanus iha parlamentu nasional Sexta 10 de dezembru.

Nia hateten katak iha partidu politiku barak mak koalia barak no halo promesa barak ba povu maibe manan iha elisaun sira nunka atu halo tuir promesa ne’ebe sira hato’o ba povu.

“Ne'e duni tempu to’o ona ba povu atu halo justisa ba partidu hotu-hotu atu nune partidu ida ne’ebe mak ukun tuir povu maubere nia hakarak “dehan Nia.

Iha fatin hanesan prezidente Partidu Klibur Oan Timor Asuain-KOTA Manuel Tilman husu ba governu atual ne’ebe halo programa bara–barak maibe nunka fo benefisiu ba povu.

“ita hotu hatene governu agora halo duni programa bara-barak maibe nunka mais atu fo benefisiu ba povu sira ne’ebe sei moris iha terus nia laran”dehan Manuel Tilman.

Nia hatutan katak tempu besik ona ba povu atu fihir partidu politiku sira ne’ebe iha nia misaun no vizaun ne’ebe diak atu bele hasai povu husi kiak no mukit nia laran.(Pedro Delfim/CJITL)

source: CJITL.org