TIMOR POST 10 Agosto 2010
Fretilin Fo Ezemplu Konaba Paz
Iha aniversariu governu AMP ba dala tolu iha Sesta (06/08) iha Palasiu Nobre, Lahane, Dili, Primeiru Ministru Kay Rala Xanana Gusmão konsidera tebes kontribuisaun partidu opozisaun sira ba dezenvolvimentu no estabilidade seguransa iha Timor Leste.
Maske iha ninia diskursu xefe governu temi mos kontribuisaun husi parte sira seluk, inklui sosiedade sivil sira, maibe so opozisaun deit maka hetan kreditu a’as liu iha asuntu ida ne’e.
“Ha’u bele deklara katak, se laiha karik kontribuisaun husi opozisaun ida ke forte no se laiha partisipasaun husi Sosiedade Sivíl ne’ebé esklaresidu liu tán ona, hanesan akontese iha ita nia país ne’e, mak ita sei la haksoit-aas hodi hatudu katak ita estadu ida ke soberanu no ho susesu, ne’ebé valores transparênsia ho boa governasaun mak manda,”dehan PM Xanana (TP, Segunda (09/08).
PM Xanana rekonese duni katak opozisaun agora ne’e forte duni ne’e maka paz la lao. Parese opozisaun antes ne’e la forte ne’e maka krize 2006 mosu?Atu konkorda ka la konkorda mos, realidade hatudu ona katak paz ne’ebe maka lao durante lao ne’e hetan mos kontribuisaun husi partido opozisaun, liu- liu Fretilin. Partido istoriku ida ne’e konsege kontrola duni ninia militante sira desde 2007 to’o ohin loron hodi tuur hakmatek maske sasan balun la lao diak iha rai ida ne’e.
Agradese ba PM Xanana tanba nia bele rekonese faktus sira ne’e. Maibe, agradesimentu boot liu bele mosu kuandu PM Xanana bele rekonese kapasidade seluk ne’e maka opozisaun sira iha, hanesan sira hatudu durante diskusaun orsamentu anual fiskal nian. Se PM Xanana rekonese kapasidade tomak ne’ebe maka opozisaun sira iha, ita bele iha esperansa katak dezenvolvimentu fiziku sira iha TL mos bele lao diak liu tan agora. Ita hein atu konesimentu ba kapasidade tomak opozisaun nian bele mosu iha tempu oin mai atu nune’e bele fo benefisiu boot liu tan ba rai ida ne’e, hanesan sira fo ba paz durante ne’e.
Maibe, husik PM Xanana maka hanoin deit saida maka nia bele halo iha futuru.
Entretantu, iha tempu hanesan kontribuisaun opozisaun nian ne’e mos bele hanesan lisaun diak ida ba partidu sira ne’ebe maka involve iha governu AMP iha futuru. Se karik, iha futuru oin mai maka sira maka sai opozisaun fali, sira tenke halo tuir saida maka Fretilin halo hela.
Kada sasan tenke halo tuir lei no baseia ba espiritu paz nian. Labele uza violensia oioin hodi hadau poder tanba ninia inpaktu maka povu maka sempre sai vitima.
Ita mos iha esperansa boot atu Fretilin mantein ninia pozisaun hodi kolabora ba paz to’o mandatu governu AMP remata iha 2012.
Se karik iha eleisaun 2012 maka Fretilin la hetan oportunidade hodi kaer ukun, nia tenke mantein nafatin ninia pozisaun ba salva interese paz iha rai ida ne’e. Ne’e maka sai hanesan desafiu ba Fretilin no partidu sira seluk iha rai ida ne’e atu bele tau iha konsiderasaun.
Fretilin Fo Ezemplu Konaba Paz
Iha aniversariu governu AMP ba dala tolu iha Sesta (06/08) iha Palasiu Nobre, Lahane, Dili, Primeiru Ministru Kay Rala Xanana Gusmão konsidera tebes kontribuisaun partidu opozisaun sira ba dezenvolvimentu no estabilidade seguransa iha Timor Leste.
Maske iha ninia diskursu xefe governu temi mos kontribuisaun husi parte sira seluk, inklui sosiedade sivil sira, maibe so opozisaun deit maka hetan kreditu a’as liu iha asuntu ida ne’e.
“Ha’u bele deklara katak, se laiha karik kontribuisaun husi opozisaun ida ke forte no se laiha partisipasaun husi Sosiedade Sivíl ne’ebé esklaresidu liu tán ona, hanesan akontese iha ita nia país ne’e, mak ita sei la haksoit-aas hodi hatudu katak ita estadu ida ke soberanu no ho susesu, ne’ebé valores transparênsia ho boa governasaun mak manda,”dehan PM Xanana (TP, Segunda (09/08).
PM Xanana rekonese duni katak opozisaun agora ne’e forte duni ne’e maka paz la lao. Parese opozisaun antes ne’e la forte ne’e maka krize 2006 mosu?Atu konkorda ka la konkorda mos, realidade hatudu ona katak paz ne’ebe maka lao durante lao ne’e hetan mos kontribuisaun husi partido opozisaun, liu- liu Fretilin. Partido istoriku ida ne’e konsege kontrola duni ninia militante sira desde 2007 to’o ohin loron hodi tuur hakmatek maske sasan balun la lao diak iha rai ida ne’e.
Agradese ba PM Xanana tanba nia bele rekonese faktus sira ne’e. Maibe, agradesimentu boot liu bele mosu kuandu PM Xanana bele rekonese kapasidade seluk ne’e maka opozisaun sira iha, hanesan sira hatudu durante diskusaun orsamentu anual fiskal nian. Se PM Xanana rekonese kapasidade tomak ne’ebe maka opozisaun sira iha, ita bele iha esperansa katak dezenvolvimentu fiziku sira iha TL mos bele lao diak liu tan agora. Ita hein atu konesimentu ba kapasidade tomak opozisaun nian bele mosu iha tempu oin mai atu nune’e bele fo benefisiu boot liu tan ba rai ida ne’e, hanesan sira fo ba paz durante ne’e.
Maibe, husik PM Xanana maka hanoin deit saida maka nia bele halo iha futuru.
Entretantu, iha tempu hanesan kontribuisaun opozisaun nian ne’e mos bele hanesan lisaun diak ida ba partidu sira ne’ebe maka involve iha governu AMP iha futuru. Se karik, iha futuru oin mai maka sira maka sai opozisaun fali, sira tenke halo tuir saida maka Fretilin halo hela.
Kada sasan tenke halo tuir lei no baseia ba espiritu paz nian. Labele uza violensia oioin hodi hadau poder tanba ninia inpaktu maka povu maka sempre sai vitima.
Ita mos iha esperansa boot atu Fretilin mantein ninia pozisaun hodi kolabora ba paz to’o mandatu governu AMP remata iha 2012.
Se karik iha eleisaun 2012 maka Fretilin la hetan oportunidade hodi kaer ukun, nia tenke mantein nafatin ninia pozisaun ba salva interese paz iha rai ida ne’e. Ne’e maka sai hanesan desafiu ba Fretilin no partidu sira seluk iha rai ida ne’e atu bele tau iha konsiderasaun.
No comments:
Post a Comment