Ex.mo.: Ministério da Educação da RDTL
Rua Caicoli, Dili – Timor Leste
Copia ba: 1. Parlemento Nasional Comição Educação (Comição F)
2. Vice Premeiro Ministro Assunto Administração
3. Provedor Direitos Humano e Justica (PDHJ)
4. Rector Universidade Nacional Timor Lorosa’e (UNTL)
5. Decano Faculdade Agricultura UNTL
6. Media Timor Leste
Assunto: Pedido revisaun no cancelamento ba resultado Ezame Admisaun tama UNTL
Tinan Akadémiko 2010 Fakuldade Agricultura.
Ho respeito,
Dala uluk hau hato’o hau nian comprimentos “Boas Festas do Santo Natal 2009”. Carta ida ne’e
hodi apresenta hipotesa (dugaan) Kolusaun no Nepotisme nebe akontese iha Ministério Educação
Coordenadora de Acesso Ao Ensino Superior Universidade Nacional Timor Lorosae (UNTL) iha
prosesu Ezame Admisaun tama UNTL Tinan Akadémiko 2010. Baseia ba resultado Ezame
Admisaun tama UNTL Tinan Akadémiko 2010 particularment Fakuldade Agricultura nebe publika
iha Jornal Nacional Diário iha dia 24 de Dezembro de 2009 (página 2), ami hare katak candidatos
nebe passa iha Izame Admisaun ne’e maiorio candidatos hirak nebe remata sira nian Ensino
Secundaria husi Bobonaro/ Maliana. Iha Departemento haat (4) nebe iha Fakuldade Agricultura, ita
haré momos katak candidatos husi Bobonaro/ Maliana mak dumina (okupa no. 1 – 8) ho ninian
total procentagem hanesan tuir mai ne’e:
| No. | Departemento | Total Admisaun | SLTA Bobonaro/ Maliana | Percentagem (%) |
| 1 | Agronomia | 49 | 18 | 36.73% |
| 2 | Agro Economia | 54 | 18 | 33.33% |
| 4 | Agro Pecuaria | 50 | 17 | 34.00% |
| 5 | Saudi Animal | 51 | 26 | 50.98% |
| | Total | 204 | 79 | 38.73% |
Resultado ida ne’e sei baseia deit ba naran Ensino Secundaria iha Bobonaro/ Maliana nebe publika,
maibe quando ita check liu tan, candidatos nebe husi Ensino Secundaria Dili ne mos dala ruma
moris fatin iha Bobonaro/ Maliana. Nune’e ninian numeros sei bele atinjo ate 50%. Entaun ita haré
iha indikasaun forti hodi dehan katak iha prosesu izame admisaun ne’e akontese ona Kolusaun ho
Nepotizme, buat nebe Governo RDTL atu combate. Laiha intensaun atu koalia primordialisme iha
carta ida ne’e maibe intensaun atu hadi’a ita sistema iha ita nian País Timor Leste rasik. Quando ita
check fali ba Departemento seluk iha UNTL nian laran candidatos husi Maliana/ Bobonaro nebe
Passa iha Izame Admisaun ne’e la liu husi 10% husi total estudantes.
Ikus mai, liu husi carta ida ne’e ami husu ba Ministério Educação da RDTL atu halo revisaun no
cancelamento ba resultado ida ne’e, no mos orgaun governo RDTL sira seluk atu halo
investigasaun nebe porfunda hodi haré problema ida ne’e, karik hetan duni provas ba indikasaun
Kolusaun ho Nepotizme iha prosesu ida ne’e, ami husu para prosesa tuir Lei nebe Vigora iha Timor
Leste. Obrigado ba colaborasaun.
Dili, 28 Dezembro 2009
ttd
António Amaral
Inan Aman Candidatos
Presiza hadia buat barak! Tenki halo Audit kona ba exame de admisaun tama UNTL hahu tinan 2000 hodi bele hadia FUTURU.
ReplyDeleteUNTL iha tinan hirak liu ba ne simu estudante barak mak la ho koalidade, balu hakerek deit la hatene mos tama iha UNTL. Media iha departamento hotu-hotu 10% husi alunos admitidos mak iha capacidade atu tuir aulas, 90% ne dudu malu ... Ver maisdeit ho teknikas oioin. Faktores sira mak contribui ba realidade ida ne:
1) Ensino secundário maioria mak seidauk cumpri kurrikulum minimu mak fo base ba aluno atu kontinua estuda iha ensino superior;
2) Konteudo exame de admisaun nia qualidade minimu liu no la iha koerencia ho area estudo nebe mak candidatu hili;
3) Processo inskrisaun, elaborasaun no reprodusaun enunsiadu exame nian, akompahamento iha tempo exame, korreksaun resultado, edisaun resultado no publikasaun resultado LA IHA KONTRLU ida mak forte no diak. Prosesu ida mak FRAGIL tebes. Ho kondisaun hanesan neba, fo fatin atu mosu INTERFERENSIA no FUGA DE INFORMASAUN. Susar atu FAIR PLAY, susar atu seleksiona candidatu nebe mak bele!