For Immediate Release September 4, 2009
Oe-cusse, Timor-Leste – Distrito izoladu, Oe-kussi agora dadaun besik ba iha distritu sanulu resin rua seluk iha Timor-Leste, tanba uma media foun ne’ebe foin inaugura, kompleta ho rede internet ne’ebe lalais ba jornalista sira no komunidade jeral.
Uma media rejional foun ne’e inaugura ohin loron iha Oe-cusse – lori enklave ne’e hanesan ho uma media ne’ebe estabelese ona iha distritu hát sira seluk. Uma media primeiro mak loke iha Baucau iha Janeiru 2008.
Uma media sira fo benefisiu boot ba jornalista Timor oan sira, liu-liu ba jornalista sira iha distritu, ne’ebe barak husi sira iha pasado tenke ba Dili atu bele asesu rekursu ne’ebe agora disponivel iha sentru hirak ne’e.
Iha uma media hirak ne’e, jornalista asesu ba internet gratuita no bele empresta ekipamentu sira hanesan gravador no kamera dijital no bele asesu ba printer, scanners no sasan eskritoriu sira seluk.
Buat importante liu husi uma media ne’e mak jornalista sira bele asesu ba formasaun jornalizmu nian hanesan mos formasaun iha area jestaun, finansa no publisidade ne’ebe halao husi treinador ICFJ nian.
Uma media mos fornese servisu internet café ho kustu baratu ba komunidade.
Iha esperansa katak uma media foun iha Oe-cusse ne’e sei tulun reduz problema falta informasaun ne’ebe ejisti entre komunidade ne’ebe hela iha enklave ne’ebe izoladu ho hirak ne’ebe hela iha distritu sira seluk. Objetivu prinsipal ida seluk husi uma media mak atu hasa’e sasulik informasaun no notisia iha Timor Leste laran tomak.
Filomena Sila, koordenador uma media foun ne’e jornalista periodiku ida ne’ebe uluk servisu nu’udar jestór estasaun radio komunidade enklave Atoni Lifau.
Radio Comunidade Atoni Lifau, ohin loron ofisialmente loke fila fali hafoin rehabilitasaun estensivu liu husi fundus AusAID.
Uma media sira seluk ne’ebe mak halao operasaun ona mak iha Dili, Ermera, Baucau,no Suai. Uma media Suai ofisialmente sei loke iha rohan fulan Outubru. Uma media sira futuru inklui Maubisse (distritu Ainaro), no potensialmente iha Balibo (distritu Bobonaro).
Uma media iha enklave Oe-cusse ne’e mai husi inisiativa konjunta ida husi Asosiasaun Jornalista Timor Leste (AJTL), Sindikatu Jornalista Timor-Leste (SJTL), Centry Jornalista Investigativu Timor Leste (CJITL), the Timor-Leste Photographers Association (TILPA), Asosiasaun Radio Komunidade Timor-Leste (ARKTL), no the International Center For Journalists (ICFJ), no ida ne’e sai sentru segundu husi grupu ida ne’ebe kompostu husi lima ne’ebe estabelese ona iha Dili, Baucau, Ermera, Suai, no Oe-Cusse.
Estabelesimentu rede Uma Media Rejional iha nasaun laran ne’e projeitu ida ne’ebe halao husi “Programa Hametin Media Independente” ho fundus tokon US$ 5.6 ne’ebe hetan suporta konjunta husi USAID no AusAID.
Ba informasaun barak liu tan, bele kontaktu Chuck Rice, ICFJ-TL Country Director iha telemovel +670 742-0776.
– end –
source: http://timortoday.com
No comments:
Post a Comment