Ivo Valente; Hau Prontu Sai Komisariu KAK

Written by CJITL Editor   Tuesday, 21 July 2009
Image
Ivo Valente, Photo Gil da Silva
Dili - CJITL, Eis Adjunto Prokurador Jeral Ivo Valente terca feira ne'e (21/7) ba reporter Centru Jornalista Investigativu Timor Leste hateten katak nia prontu asume kargu saida deit ne'ebe nomeia husi estado inklui sai komisariu ba komisaun anti korupsaun ou KAK.
“Hanesan sidadaun Timor oan hakarak ka lakohi ita tenke pronto tamba ne’e konfiansa estadu. Hau tenke preparadu atu asumi kualker funsaun nebe mak estadu fo fiar mai hau. Hau sempre prontu atu halo knar saida deit, atu ba iha ne’ebe deit naran katak konfiansa ne’e estadu mak fo no estadu fihir ema ne’e los ona ga lae" Ivo konfirma.

Relasiona ho kompetencia KAK ne'ebe governu atu hari dadaun hodi kombate korupsaun Valente hateten katak komisaun ne;e sei la fasil atu kombate korupsaun iha nasaun ne'e. 

"Lafasil KAK atu kombate korupsaun tamba ita hatene katak lei ne’ebe fo kbit ba KAK hanesan mos lei ne’ebe PGR nian. Hau hanoin depende mos rekursu humanus, depende mos ba politicalwil (moral politika) hosi estadu nian atu fo suporta ba KAK atu kombate korupsaun" nia komenta.

Hafoin rejigna an husi adjuntu prokurador, dadaun ne'e Ivo fo hela assistensia ba Ministeriu Statal hodi sai hanesan Asesor juridiku hodi  prepara  lei lideransa kominetaria, lei camara municipal nian.

"Hanesan ita bo’ot sira hatene, depois hau sai husi Adjuntu PGR nian iha dia 30 de Junhu liu ba, hau mai iha ministeriu ne'e hodi fo apoiu ba sira atu prepara lei ida ne'ebe diak ba eleisaun autoridade lokal no mos municipiu iha fulan rua oin mai" Ivo realsa. (cjitl)

Source: http://cjitl.org/index.php?option=com_content&task=view&id=281&Itemid=1

No comments:

Post a Comment