TimorNewsNetwork

source: sapo.tl

Portal SAPO to´o iha Timor - Leste

15 de Setembro de 2010, 10:21

Ohin, inaugura tia ona Portal SAPO bá Timor-Leste ne’ebe fó notisias nasionais, foto, vídeo, blogs, e-mail, previzaun tempu, nó funsiona hanesan fatin halibur informasaun kona bá rai ida ne’e. SAPO TL (Timor Leste) espasu ida iha internet hó lian tétum nó portugues hamutuk hó Jornal Nacional Diario, CJITL (Centru Jornalista Investigativu Timor Leste) nó Jornal Semanário.

Hamosu iha Portugal, iha Universidade Aveiro, S.A.P.O. ( Servidor de Apontadores Portugueses On-line ), mosu hosi vizaun nó inovasaun estudante informatika lubun ida hosi Universidade Aveiro, neneik-neneik, hó sira nia portal nó site tematiku, sira manan ema barak nia hakarak atu promove nó fó relevansia bá inisiativa lokal nó informasaun nasional.

Portal Sapo sei hetan biban dahuluk hó versaun Portugues hamutuk hó Tetum, atu bele promove nó hamoris nafatin lian rua ne’e iha mundu internet, atu kontribui nó fó forsa bá hanorin nó promove lian portugues iha timor oan sira nia moris, nune’e bele fó garantia liu hosi Sapo Timor Leste, dalan ida bá mundu, la’os bá timor oan sira deit, bá sira nia rain nó sira nia komunidade, maibé hanesan dalan ida atu hetan asesu bá rai seluk ne’ebe dok hosi Timor Leste, nó liu hosi Sapo, bele to’o bá neba.

Portal Sapo Timor Leste sei iha notisias nasionais, foto, video, blog, e-mail, previzaun tempu, nó konteúdu hirak ne’ebe diak nó entretenimentu, nudar fatin tau hamutuk informasaun kona bá rai ida ne’e. Sapo TL (Timor-Leste) hanesan espasu internet ne’ebe dezenvolvidu iha lian Tetum nó lian Portugues, sura hó parseiru komunikasaun lokal iha rai laran hanesan Jornal Nacional Diario, Jornal Semanario nó CJITL. Sei konta mós hó notisias Lusa nian iha Timor Leste.

Portal Sapo TL ninia objetivu la’os promove deit ema atu uza internet nó dinamiza Banda Larga iha Timor Leste, maibé hakarak mós atu dezenvolve konteúdu multimedia lokal, hamoris ekipa timor oan sira ne’ebe servisu bá produsaun konteúdu sira bá porta foun ne’e.

Hahú ohin bá oin, www.sapo.tl disponibiliza plataforma dahuluk bá internet grátis hó kaixa 5GB ne’ebe fó asesu bá ema hotu ne’ebe utiliza internet hó domíniu Timor-Leste, @sapo.tl, atu nune’e sira bele kria e-mail ne’ebe sira hakarak iha plataforma hirak ne’ebe iha tia ona (ex. jose@sapo.tl). Iha mós áreas espesifikas bá peskiza, Video, Foto, Blog, kriasaun site, Direktoriu, Messenger nó inkorporasaun direktoriu Pájinas Amarelas nó Servisu Peskiza